Afghanistan ram \henawma an hotu liante chu Taliban rorelna ram chungchang sawihpvin Iran khawpuiah intawk khawmin ni khat awh conference an hmang.
Iran, Pakistan, Tajikistan, Uzbekistan leh Turkmenistan foreign minister \heuhte chu Tehran-ah inhmu khawmin China leh Russia minister-ten video link hmangin an hmanpui bawk.
Iranian First Vice President Mohammad Mokhber chuan intawh khawm hi hawngin President Ebrahim Raisi ai a awh a, president hi ram thil pawimawh hmanhmawhthlak tih a ngaih avangin a hman lo.
Conference hi Iran-in cyberattack lian tak tawnga online petrol distribution software-in beih a tawh tuk chiaha neih a ni a. Beih an tawh avang hian an ram chhunga petrol station tam tak a buai.
Mokhber chuan Afghanistan-a ‘American policy hneh’ ringawt chuan an ram bial chhunga United States-in chhiahna thlen a tumna tihtawp tumna a ni chuang lo tih a sawi.
ISIL (ISIS) chu an ram biala ‘US sipai peng pakhat’ anga chhalin tunah hian Afghanistan-a venhim hna thawktute an bei a, chu chu tual chhung indona chhuahtir tumna a nih thu a sawi bawk.
Mokhber-an intawh khawm a hawn zawhah hian United Nations chief Antonio Guterres chuan New York-a record sa video hmanga thu sawiin Afghanistan chuan harsatna lian tak tawkin an tan chet lak vat a ngaih thu a sawi.
UN chuan Taliban a dawr thu leh puihna hrang hrang, a bikin mipuite chhawmdawlna lam pek an nih theih dan tur a sawipui tih a sawi.
Guterres chuan Taliban-in thuneihna an chan leh hnuah mihring dikna chanvo palzutna a nasa leh tharum thawhna a thleng tam chu ngaimawhawm a tih thu a sawi a. Mi firfiakte laka beihpui thlak leh ruihhlo tawlh \hinte chhut chimih a \ul tak zet tih a sawi bawk.
Foreign minister tinte hian thu an sawi vek a, a hnuah a hranga \hukhawmin thuchhuah in\awm an siam zui ang.
Ram tinte hian intawh khawm hi \ha an ti hle a, an \henawm ram a tlukchhiat mai loh nan leh tual chhung indona chhuak thei ven chu a \ul tak zet tih an sawi.
Chinese Foreign Minister Wang Yi pawhin Afghanistan chungchanga intawh khawm hi thlen an inpeih thu a sawi.
Nilainia an intawh khawm hi September thla tira Pakistan-in foreign minister-te intawh khawm a thlen chhunzawmna kha a ni.