Mosque suasam vangin Tripura-ah venghimtu dah


Tripura police chuan North Tripura district-a Chamtilla velah mi tu tih hriat lohten Muslim sakhaw biakna hmun, mosque suasama dawr pahnih hal a nih bawk avangin mosque dangte an veng.
Police chuan social media-a hetiang mi huatna lam hawi chi thu thehdarh awmte chu an bawhzui mek tih an sawi a, mipui pawhin thu an awih tih sawiin boruak an thunun tawh niin an sawi.
Tharum thawhna hi Thawhlehni zana thleng khan niin Hindu pawl pakhat, Vishwa Hindu Parishad (VHP)-in tun hnaia Durga Puja hun laia Bangladesh-a Hindu-te sawisak leh thah an nih duh lohna lantira kawng an zawh hun laia thleng a ni.
Bangladesh-ah chuan Hindu-te hi sakhaw zuitu tlem tak an ni.
“North Tripura District Police chuan dan angin hma an la nghal a, thil thleng pawh hi an chhui zui nghal a, boruak thunun tawh a ni a. Mi \henkhatten thuthang dik lo tak tak an vawrh darh a, hengte pawh hi tunah chuan tihtawp tawh a ni a, mipuite chu heng thuthangte lo awih lo tur leh tharum thawh zawnga che lo turin ngen an ni,” tiin Tripura Police chuan Twitter-ah an tar lang.
“Social media-a thu dik lo tak tak thehdarha muanna tihchhiat tumtute lakah pawh dan ang taka hma lak a ni dawn,” tiin police hian an sawi bawk.
Venhim ngaihna hmun deuhvah chuan venhim hna thawktute tam tak dah an ni a, dan leh thupek pawh khauh taka kenkawh a ni.
“Vishwa Hindu Parishad miten tun hnaia Bangladesh-a Hindu-te laka tharum thawhna thleng duh lohna lantirin kawng an zawh a. Mi \henkhatin lungin Chamtilla-a mosque chu an vawm a. Venhim hna thawktute chu a hmun thleng vatin thil \ha lo dang thleng tur pawh an thunun zui thei nghal a ni,” tiin district superintendent of police Bhanupada Chakraborty chuan a sawi tih news agency PTI chuan a tar lang.

Leave a Reply

Your email address will not be published. Required fields are marked *

error: Content is protected !!