Thangtea’n ZMC-ah lab leh director quarters thar hawng


ZMC, Falkawna Genome Sequencing Laboratory leh director quarters thar chu nimin khan Health Minister Dr R Lalthangliana’n a hawng.
ZMC-a Genomic Sequencing Laboratory chu PATH (Programme for Appropriate Technology in Health), Seattle, USA-in US $ 52,000 (Rs. nuai 38) an rawn pek hmanga din a nih thu sorkar thuchhuahin a tar lang a. Genomic Sequencing Laboratory chu India hmarchhakah – Dibrugarh, Imphal leh Shilongah-te a awm tawh thu leh ZMC-a mi chu a palina a nih thu a tar lang.
Genomic Sequencing Laboratory chu Virus Research & Diagnostic Laboratory (VRDL) building-ah dah a nih thu sorkar thuchhuah chuan tar langin, he laboratory-ah hian virus strain chi hrang hrang COVID leh COVID ni lote, drug resistant genes in bacteria te, cancer genomics, HLA typing etc., te hmuchhuah theih a nih bakah zirchian theih a nih tur thu a tarlang bawk.
Sorkar thuchhuaha a lan danin health minister-in nimin veka a hawn ZMC director quarters chu state sorkar Rs. vaibelchhe 1 senga sak niin, Zothan consultancy services-in April ni 30, 2020 ah a sak hna \anin July ni 7, 2021 ah an sa zo a ni.
Health minister chuan ZMC-a zirlaite mipa leh hmeichhia 100 ve ve awm theihna tur hostel chu kumin chhunga sak zawh fel beisei a nih thu sawiin, mipa leh hmeichhia 100 ve ve awm theihna tur tho hostel dang pawh ‘reilo teah sak \an a ni dawn’ tih a sawi.
Administrative building kumin chhung ngeia sa zo tura theihtawp chhuah a nih thu a sawi bawk.
%%%%

Rilru fim pua vote thlak turin ZPM president-in mipui sawm
ZPM party-in Tuirial bial inthlan lo awm tura campaign kharna hun nimin khan Kawnpuiah an hmang a. ZPM President Lalliansawta’n bialtu MLA boral ta, Andrew H.Thangliana hre renga rilru fim pua vote thlak turin Tuirial bial mipuite a ngen.
ZPM Working President K. Sapdanga’n, “Tuirial bial hi bial sakei an ni lo va, party politics atchilh lo, fim taka politics thlir thiam, chung mite hawi lam apiangin hnehna an chan \hinna a ni,” a ti a. An hruaitute kohhran mi an nih hlawm avangin tam takin ZPM chu an hmu MPF-a, an Synod mai nia a lan thu sawiin, “‘Kohhran hi kan unit an ti,’ tia min puh \hinnate chu MPF leh ZPM kara hem thlak tumna mai a ni,” a ti.
ZPM leader Lalduhoma pawhin thusawiin, ram siam\hatna tura kalphung thar mipui sorkar din chu an thupui a la nih reng thu sawiin, chumi kalpui tura kawng an bo loh nan road map an nei vek tawh tih a sawi a. “Party sorkar a bo anga, mipui sorkar kan din dawn a ni,” a ti.
ZPM PAC member TBC Lalvenchhunga pawhin, “Dikna, rinawmna leh huaisenna nei mai lova, he ram tan kan hlan a ngai,” a ti a. “Kan kalphung a dik miau loh avangin thlak a ngai a, kalphung tharah chuan kan chan ai min eisaktute a\angin kan laklet a ngai,” a ti.
ZPM party candidate Laltlanmawia’n politics a\anga ram siam \hat hna thawk tura ZPM zawm a nih thu a sawi a. Tuirial bialah thawh leh siam \hat tur tam tak a awm thu sawiin, a tling lo palh a nih pawhin bial mipuite a tlanchhiatsan loh tur thu leh theihtawp a chhuah zel tur thu a sawi bawk.

Leave a Reply

Your email address will not be published. Required fields are marked *

error: Content is protected !!