Tuirial bial MLA by election neih tur atan election department an inpeih fel thawkhat tawh a, nimin thleng khan Kolasib district Election Officer-in Model Code of Conduct bawchhiatna complaint ziakin pathum a dawng tawh.
Kolasib District Election Officer (DEO) Dr H Lalthlangliana chuan Tuirial bial MLA by election neih tura inbuatsaihna zawng zawng peih fel thawkhat a nih tawh thu nimina chanchinbumite a kawmnaah a sawi a, tun thlenga harsatna lian tham an la tawh loh thu a sawi.
Dr H Lalthlangliana chuan, Election Commission of India (ECI)-in a phut angin election campaign chu vote thlak hun tawp a\anga chhiar let a darkar 72 a\anga khar tur a nih avangin Nilaini tlai dar 6 a\angin campaign hun a tawp tawh tih sawiin, “Political party tinte chu ECI dan siam zawm vek turin kan ngen a, thu an zawm ngei kan beisei,” a ti.
DEO chuan Election Model Code of Conduct bawhchhiatna chungchangah MPF a\angin ziakin complaint pathum an dawn tawh thu sawiin, “Party pathum – INC, ZPM leh MNF ten ruai theh nan leh sum an sem sensote chu inthlan sensoah telhsak vek a ni,” a ti a, MPF atang bawkin tawngkain a thlawna buhfai sem tumna awm nia complaint an dawn chu an bawhzui nghal a, an sem \an hmain an titawp hman tih a sawi.
Tripura awm tawh Tuikuk, Mizoram electoral roll-a chuangte vote thlak dan tur chungchangah tun thlengin ECI a\angin thu thar an la dawng lo tih Kolasib DEO chuan a sawi a, Hortoki Booth II-ah Tuikuk vote nei 173 leh Zodin Polling Station-ah vote nei 482 an awm a, polling station pahniha Bru vote nei zawng zawng chu 655 an nih thu a sawi.
Dr H Lalthlangliana sawi danin Tuirial bialah hian vote nei mipa 8,819 leh hmeichhia 9,092, an vaiin 17,911 an awm a, vote thlakna polling station 27 buatsaih a ni.