Tuirial bial bye-election lo awm tura campaign kharna nimina Lungdaia neihah MNF President Zoramthanga’n Tuirial bial mipuite chu MNF candidate K. Laldawngliana vote turin a sawm.
MNF president chuan Congress party-in president tur pawh an nei ta lo nia sawiin, Congress tlukchhiatnain chhan tam tak a nei tih a sawi a. “An president ni rei ber Rom mi Pi Sonia Gandhi chuan a fapa Rahul-a tan malsawmna dilin Kristiante biak in aiah Hindu temple Tirupathi-a \awng\ai a thlang a. Khata \ang khan Congress hi a down rawih rawih niin ka hria,” a ti.
Kum 2023 MLA inthlanah chuan Congress chu artelukawn thei an nih thu sawiin, Zoramthanga chuan, “MLA pahnih/pathum an neih chuan an vannei ngawt ang,” a ti bawk.
ZPM chungchang sawiin, kalphung thlak zing lutuk leh party hming pawh thlak zing lutuk chu tui anga nghet lo leh enchhin chi an nih loh thu a sawi a. “Kum 35 chhunga mahni party thlaka kalphung thar hre reng maite hi enchhin chi an ni lo,” a ti. MNF president chuan kum tharah chuan SEDP pawh eng emaw chen kalpui tum a nih thu a sawi bawk a ni.