Thlawhna cancel ticket man pe kir thuai turin GoAir hriattir


Mizorama Airline service zingah flight cancel hnua customer hnena ticket man pe let tha duh lo an awm thin a, GoAir pawh thlawhna cancel tawh hnua ticket man an la pek lohte pe kir vat tura hriattir an ni.
GoAir thlawhnaa zin tum mi 70 vel chu an thlawhna cancel-sak an ni a, thlawhna hmanga an zin tak loh avangin an ticket refund an dil a, GoAir hian a ngaihsak tha duh lo.
Hemi chungchang sawipuiin GAD (Civil Aviation) Principal Consultant Wing Commander J Lalhmingliana chuan nimin khan GoAir hotute a pisaah a ko.
J Lalhmingliana chuan Mizorama cheng, GoAir hmanga zin tum ticket la vek tawh, flight cancel-sak si, ticket refund thei lo mi thahnem tak an awm thu GoAir hotute hi a hrilh a, a rang thei ang bera consumer-te harsatna sutkiansak tur leh hma an la chak lo a nih chuan dan anga hma an lak tur thu a hrilh.
GoAir hotute chuan, Covid 19 hri leng avangin an thlawhna thlawk chhuak turte chu cancel a ngaih thin thu leh an hnena ticket la tawh thlawhna hmang ta si lote chu an tickek man pek let vat an tum thu J Lalhmingliana hnenah hian an sawi.

He hunah hian Consumer Activist Lallunghnema pawh tel vein, GoAir hotute hnenah hian dan angin hma la se an company-in a tawrh theih dan turte sawiin, company-te hian anmahni dawr tute chu tha taka an dawngsawng tur a nih thute a sawi ve bawk.

Leave a Reply

Your email address will not be published. Required fields are marked *

error: Content is protected !!