Hri leng laka himna tura inkaihhruaina thar tichhuak, Biak In-a zai khap chhunzawm zel

Hri leng laka himna tura Mizoram sorkarin inkaihhruaina a siam zanin zanlaia tawp tur chu tlem tidanglamin November ni 30, 2021 zanlai thlenga hman hman tur inkaihhruaina a tichhuak a. AMC area-ah kohhran inkhawma zai khap chhunzawm zel a la ni.

AMC area-ah kohhran inkhawm chu chhun lamah biak in-a leng zat chanve an inkhawm thei chhunzawm zel dawn a, zai erawh khap chhunzawm zel a ni thung.

Inneih inkhawm leh mitthi vuina-ah a hmuna leng zat chanve emaw mi 50 aia tam lo (a tlem zawk zawk) tel phal a ni a, ei leh in sem khap chhunzawm zel a ni.

Class X leh XII board exam turte chu CAB zawm chunga school leh hostel hawn phalsak an ni a. Hemi atana hman tur inkaihhruaina chu school education department ruahman tura dah a ni.

Lirthei tlan dan a ngai hman chhunzawm tura tih a ni a, Inrinni, Pathianni leh public holiday-ah te lirthei zawng zawng tlan phal vek a ni.

AMC area pawn lamah chuan an dinhmun azira district bawrhsap te an huam chhunga hman tur inkaihhruaina siam tura tih an ni a. Hri leng laka himna tura tih tur te zawm chungin chhun leh zanah biak in-a leng zat chanve an inkhawm thei dawn a, zai erawh khap chhunzawm zel a la ni thung.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427