Barcelona in Ronald Koeman an ban ta

Barcelona chu La Liga-ah a zawnin an tlawm a, Nilaini zana Rayo Vallecano laka an tlawm hnuah an coach Ronald Koeman chu a hna atangin an ban.

Rayo laka an result hi tun season a Barcelona an tlawm vawi thumna a ni a. Pathianni zana Real Madrid laka El Clasico-a an tlawm hnuah a zawnin an tlawm a, Koeman-a chunga an dawhtheihna in a tlin tawh lo.

Barca hian La Liga-ah tun season-ah match 10 atangin point 15 chaih an la hmu a, UEFA Champions League lamah vawi hnih group stage-ah an tlawm tawh.

An thutlukna hi Nilaini zan khan puangzarin, “Club president Joan Laporta chuan club thutlukna hi Rayo Vallecano nena inkhelh zawhah Koeman hi a hriattir a. Ningani ah Ronald Koeman hian a squad te nen inthlahna an nei ang.” an ti.

Koeman-a hun khirh
Dutch coach hi kum 2020 August khan Barcelona hian Quique Setien thlak turin an lalut a. A season hmasa ber duhthusamin kal lo mahse Copa del Rey a chawipui a, La Liga-ah erawh pathumna an hauh.

Match 67 a enkawl chhungin vawi 40 a chakpui a, draw 11 neiin club in sum lama harsatna lian tak a tawh zui bawk avangin an squad in a tuar hle.

Barcelona chuan interim coach atangin B team coach Sergi Barjuan chu an ruat lailawk rih a. Coach nghet tur an lakluh hma chu ani hian first team a enkawl rih ang.

Head coach thar ni turin club legend leh Al Sadd head coach ni lai Xavi chu sawirik a ni nghal a. Club nen hian inbiakna an nei tawh a, Qatar team a chhuahsan nan club pahnihte pawh an indawr mek.

Leave a Reply

Your email address will not be published. Required fields are marked *

error: Content is protected !!