Nimin khan Redmi Note 11 smartphone series pathum Redmi Note 11, Redmi Note 11 Pro and Redmi Note 11 Pro+ te chu China ramah tlangzarh a ni ta a, India-ah lei theih thuai a ni ang.
Anti-glaire display tha tak leh hnung lama textured pattern fuh tak mai awm tura beisei a ni a, Dollby Atmo mil thlap, Hi-Res audio quality a tel bawk dawn vangin hla ngaithla uar te tan mamawh chhanna a tling ang.
Redmi 11Pro leh 11 Pro+ te hi MediaTek Dimensity 920 octa-core processor hmanga chawm nun a ni a, 120 watt fast charghing a chhawm vangin battery hmang rim deuh tan hahdamna a awm dawn e. 120Hz display refresh rate leh 360Hz touch sampling rate hi a namai lo a nia.
Connectivity bikah chuan WiFi6, NFC leh Bluetooth v5.2 a awm a, OLED screen te pawh awm ngei tura ngaih a ni. 8GB RAM leh 256GB internal storage pawh hian a chawm zo khawp ang che.
Redmi Note 11 Pro+ hi hi MediaTedk Dimensity 1200 AI octa-core chipset nen a ri thlap mai a, 6.6-inch full+HD display (1,080×2,400 pixel resolution) a ni ang. Triple rear camera setup a awm dawn a, battery hi 4,900mAH a ni bawk ang.