Serie A : Inter Milan an chak ve leh ta

Serie A champion Inter Milan chuan an league inkhel hnuhnung pahniha hnehna an chan loh hnuah point thum an hmu a, Empoli lakah 2-0 in an chak.

Nilaini zana Serie A inkhelah Inter in Stadio Carlo Castellani an tlawh a. Empoli hi khel chhe lo mahse Inter Milan in player an neih that zawk chu inkhel kal rei zelah a hriat zawk a. Minute 34-naah mikhual team in Danilo D’Ambrosio tauh goal hmangin hma an hruai.

Goal an neih hnuah erawh Inter an chungnung zawk a, second half tan tir lamah Nicolo Barella hlauhawm taka a tlawh avangin Samuele Ricci chu hnawhchhuah a ni a. Minute 66-naah Federico Dimarco chuan Inter chakna nem nghehna goal a khung.

Goal khungtu D’Ambrosio chuan, “Season liamtaah kan tanrual vangin league title kan la a, kuminah pawh tanrual hi kan chakna a ni a, mahse player mimal a danglamna siam thei kan nei bawk a. Alexis Sanchez-a’n ka goal tur a siam dan kha hei hi a tilang chiang hle.” tiin inkhel zawhah a sawi.

Juventus erawh Nilaini zan inkhel dangah rin loh takin an tlawm a. Huntawp dawnah goal chhuahin 2-1 in Sassuolo in an hneh.

Allianz Stadium-ah Massimiliano Allegri pawlte hian huntawp danah Maxime Lopez goal khung tur an dang thei lova. Match 10 chhunga a vawikhat nan an tlawm.

Sassuolo in Davide Frattesi hmangin goal hmahruai halftime dawnah an khung a, Juve tan Weston McKennie chuan a sut.

“Draw tal nise a pawm theih a, chak reng theih loh mahse tlawm thiang lo inkhel a awm a, tun season-ah kan mualah vawi hnih kan tlawmna a ni der. “ Allegri chuan a ti.

Leave a Reply

Your email address will not be published. Required fields are marked *

error: Content is protected !!