BJP Mizoram pradesh-in Tuirial bial bye-election neih zawh takah “Therhlo um lova, ram siamthat duha BJP candidate K Laldinthara huaisen taka vote tu te chungah lawm thu kan sawi” an ti.
BJP chuan “Party dangte angin sum sem hmangin vote kan zawng ve lo” an ti a. Party thenkhat chuan an sum neih hmachhuanin BJP unit te bakah campaign office hial kharsak dan an ngaihtuah nia sawiin, sum hmanga hma an la chu amak an tih thu an sawi.
“Ram development buaipui si lova, MLA a tlin policy ringawt hmanga Mizoram mipui kan dawr kual thin avangin mipui retheihna a zual zel” BJP chuan an ti a. BJP kalphungah manifesto te a tahtawla tihhlawhtlin a ni thin tih sawiin, mi \henkhat ten duh lo mahse, ram tana tha turah chuan huaisen takin hma an la \hin niin an sawi.
BJP chuan Mizoramah chuan manifesto chu itawm thei ang ber leh miretheite duh theih dan turin an buatsaih a, tihhlawhtlin erawh a ni thung thin lo niin an sawi a. “Hetiang ringawta kan kal a nih chuan kan ram hmalam hun hi a thim zual hle dawn” an ti bawk.