MZP leh ZPM thalaiin Assam mi te chet dan dem

MZP-in Chuhvel khawmi Bawng lei tur nei anga Assam lam miin bumchhuaka, pawisawilo nunna hlu tak an lak sak chu thinurthlak an tih thu leh pawikhawihtu an dem thu an sawi.

He pawikhawihna thlenga inhnamhnawite a rang thei ang bera manchhuaka an phu tawk hremna pek an nih ngei theina tura hma la turin Mizoram sorkar an phut tih MZP chuan an sawi bawk.

Kar kalta Zirtawpnia Assam police-in Mizo sipai an ruk bo chungchang pawh MZP chuan thuchhuah siama tarlangin, he thil thleng hi tlawm thlak an tih thu an thuchhuah chuan an tarlang a. Assam-in Mizoram sorkar a zah loh zia leh engahmah a ngailoh zia a lantirnaa an ngai thu an sawi.

Assam Police-in J. Lianchungnung rama Mizoram lei dawh meka hmanrua dahsawn an phut leh zel chu tlawm thlak an tih thu MZP chuan an sawi a. Mizoram sorkar chu Assam laka inphahhnuai reng lo tura an phut thu an sawi.

MZP chuan Assam Police-in Bairabi Zophaia duty Mizo sipai an rukbo avanga Mizoram police te he hmuna an duty na-a an duty chhunzawm lo chu mak an tih thu an sawi a. Engvanga an duty post luah zui lo nge an nih tih chu an zawhna a nih thu an sawi.

“Mizoram chhung venghim tura kan beiseih kan police te kut phuar lova, kan ram neih chhun huaisen taka an venhim theih nan kan sorkar hi huaisen taka ram leh mipuite himna tura hma la ngam zel turin kan ngen” MZP chuan an ti bawk.

ZPM \halai pawhin kar kalta Zirtawpnia Assam police-in Mizo sipai an hruai bo chu Mizoram sorkar tan a thangtlawmthlak hlea an hriat thu an sawi a. Assam police-in Zophaia lei dawh hna Mizoramin a thawh chawlhsan tur leh hmanraw chhawpte laksawn an phut ngam chu Mizoram sorkar tan a zahthlâk hlea an hriat thu an sawi.

“Assam sarkarin heti em em a MNF kaihhruai Mizoram sorkar a zuam ta mai hi pawi kan ti hle” zpm \halai chuan an ti a. MNF sorkar hnuaiah Mizoram police te meuh pawh an him ta lo leh Assam police ten an ru bo ta hial mai chu lungchhiatthlâk an tih thu sawiin, “Zoramthanga kaihhruai MNF sorkar hi a inenchian a ngai hlein kan hria” an ti bawk.

Leave a Reply

Your email address will not be published. Required fields are marked *

error: Content is protected !!