Kar liamtaah Mizoramah COVID19 kai nunna chan mi 24 awm

Mizoramah COVID19 kai nunna chan mi 24 an awm a, tun thlaah nizan dar 8 thleng khan mi 121-in nunna chan tawhin, Mizoramah COVID19 kai nunna chan mi 432 an awm tawh a, an zinga 272 chu mipa niin hmeichhia 160 an ni.

Nizan dar 8 thleng khan Mizorama COVID19 kai nunna chan tawh mi 432 zingah kum 56-70 inkar tam berin, mi 115-in nunna an chan tawh a. Kum 18 hnuailam 10 awm tawhin, kum 18-25 inkar mi 7; kum 26-40 inkar mi 46; kum 41-55 inkar mi 66; kum 71-80 inkar mi 97 leh kum 80 chunglam mi 89 bakah sorkarin a puanzarnaa kum zat tarlan loh mi 3 an awm bawk.

Mizorama COVID19 kai nunna chan hmasaberin October ni 28, 2020 chhun dar 12-ah nunna a chan a, hemi thla-ah hian nunna chan belh an awm lo. November 2020-ah mi 5 in nunna an chan leh a, December 2020-ah mi 2-in nunna chan lehin, kum 2020-a COVID19 kai nunna zawng zawng 8 an ni.

Kum 2021 January, February leh March-ah te COVID19 kai nunna chan mi 1 theuh awmin, April-ah mi 4-in nunna an chan a. May-ah mi 25-in nunna chanin, June-ah mi 53; July-ah mi 55; August-ah mi 69; September-ah mi 93-in nunna chanin, tun thla-ah nizan dar 8 thleng khan mi 121-in nunna an chan tawh.

September ni 23, 2021-ah nunna chan mi 11 awmin, Mizoramah COVID19 kai nikhata nunna chan an tam ber ni a ni a. Nunna chan tawh zinga upa ber kum 98 mi niin, nunna chan tawh zinga naupang ber chu ni 18-a upa a ni thung.

Leave a Reply

Your email address will not be published. Required fields are marked *

error: Content is protected !!