Tuiriala vote thlak a tluang, 81.29% a tla


Tuirial bial MLA bial bye-election chu Inrinni khan zawh a ni a, vote awm zawng zawng a\angin zaa 81.29 a tla a; inthlan hi buaina leh harsatna awm loa neih zawh a ni.
Election Commission of India-in ruahmanna a siam angin zing dar 7 a\angin vote thlak \an a ni a, polling station \henkhatah EVM chian chiah loh avanga dar 7-a vote thlak \an theih lohna erawh a awm a. Covid-19 leng kara inthlanna neih a nih avangin vote thlaktu zawng zawngte health department-ten thermal scanner hmangin an enfiah vek a, khawsik neite chu tlai dar 5 hnu lamah Covid-19 kaihhnawiha harsatna tawk mek voter dangte nen vote thlaktir an ni a; Covid-19 kai mi 34-in vote an thlak.
Polling station hrang hrangah ECI thupek angin zing dar 7 a\anga tlai dar 6 thleng CCTV hmangin thlalak reng a ni a. Polling station tinah MPF an duty a, polling station pawnah aurinna hmangin inthlanna thianghlim leh felfai a awm theih nana rilru thiang tak hmanga vote thlak turin mipui an ngen a. Khaw \henkhatah chuan kum upa leh damlo, kea polling station pan thei lote chu MPF-in lirthei hmangin vote thlak turin an hruai a ni.
MLA bye-election neihna khaw hrang hrang tlawh kualtu, The Zozam Times zawhna chhangin khaw \henkhat MPF local forum hruaitute chuan vote thlak niah MPF leh party thawhhona thuthlung bawhchhia party an awm loh thu an sawi a, dan bawhchhia an awm nia \awngkaa complaint an dawnte chu bawhzui zel mah se thuneitu sang lama thlen ngai khawp dan bawhchhiatna an hmu lo tih an sawi.
The Zozam Times-in bial chhung khaw hrang hrang a tlawh kualnaah khaw tinah campaign office-te a lun hle a, tlai lamah phei chuan bial chhunga kawn laia party mi pungkhawm hmuh tur an tam hle a. Election department-in bial chhung mi ni lote chu inthlanna neih lai hian awm rem ti lo mah se he inthlannaa chuh party pali mi leh sa, an hruaitu Tuirial bial chhung mi hmuh tur an tam hle a; heng mite hian zin vei vak angin an inchhal thung.
Turial bial chhungah hian vote nei mi 17,911 awmin, chung zinga mi 14,561, za zela 81.29-in vote an thlak a. Khaw 18 awmin, polling station 27 a awm a, Kawnpuiah polling station paruk awmin, Thingdawl-ah pathum, Hortoki-ah leh Lungdaia-ah pahnih ve ve awmin, a bak – Sentlang, Mualkhang, Zanlawn,Serkhan, Khamrang, Nisapui, Lungmuat, Mualvum, Bualpui, Zodin, N Chaltlang I, North Chaltlang II, Bukpui leh Se\hawnah te polling station pakhat \heuh a awm a ni.
Polling station zinga vote tlak \hatna ber chu Lungmuat Polling station niin, vote nei mi 487 zinga 443 (90.96%)-in vote an thlak a, vote tlak chhiatna ber chu Mualvum polling station niin, vote nei 588 zinga 369 (62.75%)-in vote an thlak.
Vote thlakna khawlte hi sipai venna hnuaiah Inrinni zan 11 khan Kolasib thlenpui a ni a, pindan awmkhauhah dah nghal niin, naktuk zing 8 a\angin chhiar \an a ni ang.

Leave a Reply

Your email address will not be published. Required fields are marked *

error: Content is protected !!