Mizoram leh Assam ramri venga Bairabi-a duty, Laldintluanga Ralte, 1st IR Bn. ami chu kar kalta Zirtawpni (Oct ni 29) khan Assam police-in phut neiin an ru bo va. Bairabi police-in umzuiin a tuk Inrinni zanah an chhanchhuak.
Bairabi police-ten The Zozam Times an hrilh danin, Assam police-ten Mizo sipai an ru bo tih an hriat ve leh ngaihven zui nghalin, Ramnatpur Police Station-ah an kawl tih an hriat hnuah Bairabi PS OC leh a hoten an pan nghal a, hruai haw tumin hma an la nghal a. Assam police-te hian Bairabi, Zophaia lei dawh mek tawpsan leh lei dawhna tura bungraw dahkhawmte laksawn an phut thu Bairabi police-te hi an lo hrilh a ni.
Assam Police-in Mizo sipai an rukbo chhanchhuak tur hian Bairabi police-te chuan kar kalta Zirtawpni zan khan tlaivarin an bei a, Assam police-te hian chhuanlam hrang hrang siama Mizo sipai hi an chhuah duh loh hnuah Inrinni tlai lam khan chhuahin, Inrinni zan khan Bairabi police-ten dam takin Bairabi an hruai thleng leh a ni.