Thi tawha sawi Taliban supreme leader inlan


Taliban hruaitu lawk, supreme leader an tih, Haibatullah Akhundzada chu mi tam takin a thi tawh anga an sawi mek laiin chhim lama Kandahar khawpuiah a inlan niin Pathianni khan Taliban chuan a sawi.
Akhundzada-a hi rinna lama an hruaitu, Amir ul Momineen tia an sawi \hin bawk niin Taliban-in August thlaa an ram an lak leh hnuah hmuh zui tur a awm tawh lo.
Taliban hruaitu, a kianga awm vein Reuters a hrilh dan chuan Akhundzada hian Inrinni khan Kandahar-a sakhaw sikul, Jamia Darul Aloom Hakimia a tlawh.
Islamist movement hian September thla tira sorkar an siam khan pa danglam tak, Akhundzada-a hian supreme leader a nihna, kum 2016 a\anga a lo chelh tawh chu chang zuiin an pawlin politics, sakhua leh sipai lama hma an laknaa thuneihna tawp nei a ni.
Thuneitute chuan tun \um lo pawh hi Akhundzada-a hian vantlangah, mi hriat lem lovah chhuah a nei fo va, a nun dan mawl tak avangin langsar a duh lem lo \hin niin an sawi.
Reuters-in a thlalak a neih chhun pawh Taliban-in anmahni Twitter-a May, 2016-a an tar lan, an lak hun lai pawh hriat loh chu a ni mai.
Vantlang hmuh tura a inlan khât tak em avang hian mi tam tak chuan thi tawh ang leh hriselna dinhmun hniam deuhvah an ngaih phah.
Tun hma deuh pawh khan Taliban hian an pawl dintu leh an supreme leader hmasa ber, Mullah Omar-a thih thu kha kum tam tak an lo zep tawh a ni.
&&&&

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427