Tripura atangin Tuiriala vote thlak Tuikuk awm lo


Kolasib District Election Officer (DEO) Dr H Lalthlangliana chuan Tripura pem tawh Tuikuk, Mizoram Electoral roll-a la chuang, Tuirial bial chhunga vote neiten bye-election neihah vote an thlak lo tih a sawi.
Nimina Kolasib-a chanchinbumite a kawmnaah Dr H Lalthlangliana chuan Tripura pem tawh Tuikuk mi 655-in Tuirial bial chhung Hortoki Booth II-ah leh Zodin Polling Station-ah vote an nei tih sawiin, mi 655 zinga mi pathumte chu Hotoki khuaa awm mek an nih angin vote an thlak a, a bak Tripura awm mek mi 652-te erawhin vote an rawn thlak lo tiin, “|um dangah chuan Bru-te tan special polling booth siam a ni a, tun \umah erawh kan siam lo a, Tripura a\anga rawn kal pawh an awm lo,” a ti.
Dr H Lalthlangliana chuan harsatna lian tham awm loin inthlanna fel fai leh thianghlim neih a nih thu sawiin, vote tla pawh a \ha a, hetianga inthlanna hlawhtling neih a nih theih nana hma latu zawng zawng chungah lawmthu a sawi.
Campaign theih hun chhungin political party-te an \ang tlang a, an tha tawp an chhuah chungin vote thlak ni takah erawh dan bawhchhe loin mawi takin an che tih Dr H Lalthlangliana chuan a sawi a, “Ualau taka pawisa sem hi hriat an ni lo a, in puan hnuai tak taka lo ti an awm a nih chuan thuhran a ni a, tharum thawhna a awm miah lo bawk,” a ti.
Vote thlak nia dan bawhchhiaa minister pakhatin Hortoki khua a tlawh nia sawi awm chungchang chu an hria tih sawiin, “Ziakin emaw, a hran takin emaw complaint dawng lo mah ila, social media-a thawm kan hriat khan kan bepawp nghal a, vote thlak hun chhunga Aizawl lama haw a bial chhung paltlang lo turin kan inngen nghal,” a ti.
Bial pawn mi, party campaigner thenkhat bial chhung luh tum eng emaw zat an awm tih leh chung mite chu an lo hnar haw thu sawiin, party mite pawhin dan zawm tura an ngenna te pawma an khaw lama an haw leh ta chu zahawm a tih thu a sawi bawk.

Leave a Reply

Your email address will not be published. Required fields are marked *

error: Content is protected !!