ADB-in Agartala tihhmasawn nan $ mtd 61 pukna tur pawm


Asian Development Bank (ADB) chuan Tripura khawpui, Agartala chei mawi leh thuam \hatna atan $ maktaduai 61 zet state sorkarin puk (loan lak) a tumna chu a pawmpui ta.
An khawpui chei \hatna tura pawisa puk tur pek phalna an hmuh tak hi Tripura Chief Minister Biplab Deb chuan Thawh\anni khan a puang.
Hna thawh tak takna tura pawisa puk phalsak an nih vakah hian technical assistance (TA) grant atan $ maktaduai khat pekna tur chu ADB hian a pawmpui bawk tih a sawi.
“ADB chuan Agartala khawpui tihhmasawnna turin $ maktaduai 61 min puk a phal rualin technical assistance (TA) grant atan $ maktaduai khat min pek a phal bawk,” tiin chief minister hian a sawi.
Chief minister chuan, “Heng pawisa kan hmuh hmang hian Tripura chuan mi dangte entawn tur state ni thei turin kawng a zawh thei dawn a ni,” a ti.
Deb-a chuan pawisa an hmuh hmang hian ruahtui luan khawmna tur kalkawng, km 48-a thui an siam \ha ang a, sik leh sa tana pawi tur khawih tel lovin km 23-a thui kawng an siam dawn bawk tih a sawi.
“Heng thilte hian Tripura-a cheng nunphung leh khawsak dan a chawi kang a, hmarchhaka sumdawnna leh ei bar zawnna hmunpuiah a siam dawn a ni,” tiin Deb chuan Twitter-ah a tar lang bawk.
&&&&&

Leave a Reply

error: Content is protected !!