Khawvel puma COVID-19 thihpui chu Thawhtanni khan maktaduai nga an tling ta a, hripui a len \an a\anga kum hnih pawh tling lo chhungin hetiang zat hian an thihpui hman a ni.
Hripui leng hi ram rethei ber berten an tuar na bik chuang lo va, khawvela ram hausa leh lian, damdawi in leh thawktu nei \ha ber berte chu a tuar na ber ber an ni mah zawk.
United States, European Union, Britain leh Brazil ramte chu ram hausa leh changkang leh rethei anga chhiar an ni lo va, khawvel mihring pariat zela pakhat chauh chenna ram ni mah se hripui thihpui zat erawh a zahve zet an thawh thung.
US hi thihpui tamna ber niin mi 740,000 chuang thi an awm tawh.
Johns Hopkins University-in a chhinchhiah dan chuan Los Angeles leh San Francisco state-a cheng zat zet an thi tawh a. Peace Research Institute Oslo-in a chhut dana kum 1950 hnu lama ram leh ram indonaa thi zat aiin an tam tawh bawk a. Tunah hian COVID-19 chu lung lam \hat lohna leh stroke dawta mihring thihpui nasat ber a ni tawh.
Thi leh kai zat hi a tak takah chuan chhinchhiah aiin a tam daih zawk rin a la ni bawk a. Hmun tam takah kai leh kai loh endik loh a ni a, mahni ina inenkawl hlum ta an tam hle a. Hetiang hi India ram leh ram rethei dangah an tam hle.
Hripui a len \an atanga thla 22 a liam tawh chhungin a len nasatna hmun hi vawi tam a insawn tawh a. Tun dinhmunah hian Russia, Ukraine leh Europe khawmualpui khawchhak lam a hrut na leh mek.
Tuna bu a khuar thar leh meknaah hian invenna lak chungchangah thu thang dik lo thehdarh niin mi tam takin sorkar leh invenna an ring lo va, an la duh lo nasa hle.
Ukraine-ah chuan puitling zinga 17% chauhvin a bikimin an la la a, Armenia-ah phei chuan 7% chauhvin an la la a ni.
&&&&