Mizoram district tinah nimin khan draft electoral roll, 2022 tar chhuah a ni a, hetah hian inthlan neih mekna, Tuirial erawh a la tel lo va, Tuirial bial draft electoral roll chu November 8-ah tar chhuah a ni ang.
Siam \hat ngai leh thun thar leh paih ngai neite tana dilna thlen theih hun tun thla ni 30 thleng hun hawn a ni ang a, January 15, 2022-ah final electoral roll tar chhuah tura ruahman a ni.
Draft electoral roll thara a lan danin Mizoramah voter 7,98,227 an awm a, heng zinga 3,88,195 chu mipa niin hmeichhia 4,10,032 an ni.
Aizawl district-ah Aizawl voter 2,71,374 awmin, heng zinga 1,27,485 chu mipa an ni a,hmeichhia 1,43,889 an ni. Saiha district-ah voter 41,792-ah mipa 20,361, hmeichhia 21,431 an awm a. Lawngtlai district-ah voter 85,087 awmin, mipa 42,370 leh hmeichhia 42,717 an ni.
Lunglei district-ah voter 95,213 awmin, mipa 47,327 leh hmeichhia 47,886 an awm a. Champhai district-ah voter 54,177 awmin, mipa 26,521 leh hmeichhia 27,656 an awm.
Mamit district-ah voter 69,341 awmin, mipa 35,151 leh hmeichhia 34,190 an awm a. Kolasib district-ah bye-election neihna Tuirial bial tel lovin voter 43,336 an awm a, heng zinga 20,935 te chu mipa niin, hmeichhia 22,401 an ni.
Serchhip district-ah voter 51,933 awmin, mipa 25,270 leh hmeichhia 26,663 an awm a. Saitual district-ah voter 53,541-ah mipa 26,645 awmin, 26,896 chu hmeichhia an ni. Khawzawl district-ah voter 16,968 awmin, mipa 8,501 leh hmeichhia 8,467 an awm a. Hnahthial district-ah voter 15,465 awmin, an zinga 7,629 chu mipa niin, hmeichhia 7,836 an awm bawk.
Mizoram pumah service voter 4,986 awmin, heng zinga 4,916 chu mipa an ni a, hmeichhia 70 an awm a. Mizoramah polling station 1,247 a awm mek.