China-in Bhutan atanga hmarchhak tihbuai tumah puh


Hindu Yuva Chatra Parishad (HYCP), Asom chuan China-in Assam bakah hmarchhak hmun dangah buaina siam tuma hma lain hel pawl hrang hrangte a thawhpui a, hengho hi India thenawm, Bhutan atangin an che thin niin a sawi.
HYCP President Balen Baishya chuan North Lakhimpur-a thuthar lakhawmtute a kawmnaah China hian India-in policy tha a neih loh chu remchangah hmangin Sri Lanka, Nepal, Bangladesh, Myanmar leh Bhutan ramah huang a zauh va, India tihbuai a tum reng niin a sawi.
China hian India leh Bhutan ram inthian thatna pawh tihchhiat a tum reng a, hei hi nakina hman tangkai a tum niin a sawi.
“India atang hian in sakna lama thawktute Bhutan-a luh theih reng a nih laiin hetiang mi ni lo Indian dangte chu Covid-19 hripui avanga luh theih loh turin a dang tlat a ni,” tiin Baishya chuan a sawi.
HYCP chief chuan Taiwan chungchanga India ngaihdan avangin China hian Bhutan kaltlanga hmarchhak chawh buai a tum niin a sawi.
Baishya chuan Assam-a hel pawl, left hruaitu, mi fing tak tak leh Assam-a India-a political party ro lo rel tawhte chuan China-in India a phiarna hi an pui tha hle niin a sawi bawk.

Leave a Reply

Your email address will not be published. Required fields are marked *

error: Content is protected !!