Hachhek Bial Kuhva Chingtu Pawl (HBKCP)-in Burma ram a\anga dan lova Mizoram kaltlanga kuhva tawlh ruk tam lutukin an kuhva tharchhuah hralh kawngah harsatna a siam nasa niin an sawi a. Mizoram sorkar chu Burma ram a\anga dan lova Mizoram kaltlanga kuhva tawlh ruk titawp thuai tura an duh thu an sawi.
HBKCP chuan Burma ram a\anga kuhva tawlhruk chuan Hachhek biala khaw tam zawkte eizawnna pui ber, kuhva hralh kawngah harsatna nasa tak a thlen tih an sawi a. An kuhva tharchhuah leitute Assam lam mi vek an nih thu leh Patharkandi bialtu MLA Krishna Nanda Pal phei chuan Mizoram a\anga Assam-a kuhva thawnluhte chu Burma kuhva nena chawhpawlh vek nia puhin Hachhek bial mite kuhva tharchhuah ngei pawh Assam-a tawlh luh a rem ti lo hial niin an sawi.
Hachhek biala kuhva huan neitute sum hmuhna chu Burma a\anga dan kalha kuhva tawlh \hinte avangin tihtawp a ni mek tih HBKCP chuan an sawi a. Hemi chungchang hi thuneitu sang zawkte hnenah pawh ziaka an thlen tawh thu leh chanchin lawmawm lam erawh an la dawn loh thu an sawi.
HBKCP chuan Hachhek biala khaw 30 chuangah kuhva huan siama eizawng an awm vek tih sawiin, kum 2019-2020 chhung khan report an dawn chin khaw 12 a\angin kuhva hralhna man Rs. nuai 1,141 chuang hmuh a nih thu an sawi a. Kum 2020-2021-ah Rs. nuai 2,000 chuang hmuhchhuah an beisei laiin Burma a\anga dan kalha kuhva tawlh rutute avangin harsatna an tawk ta niin an sawi bawk.
Dan kalha Burma a\anga Mizoram paltlanga kuhva tawlh ru \hinte avanga harsatna lian tak an tawk ta chu pawi an tih thu HBKCP chuan an sawi a. Assam lamah dan kalha tawlh ruk Burma kuhva a luh nasat avangin Mizoram kuhva tharchhuah ngeite chu Assam lamin ‘Burma kuhva a ni’ tiin Assam-a hralh leh phurh luh an phal tak loh avanga an harsatna tawh chu Mizoram sorkarin hriatpui se an duh thu leh an harsatna sukiang tura hmalaksak tura sorkar chu an ngen thu an sawi a ni.