Samajwadi Party (SP) supremo Akhilesh Yadav chuan nakum kumtir lama Uttar Pradesh assembly inthlan lo awm tur chu a chuh dawn loh thu a sawi.
Chief minister hlui, Yadav hian Rashtriya Lok Dal (RLD) nena an thawh dunna tur pawh peih a nih tawh thu a sawi bawk.
“RLD nena kan thawh dunna tur hi peih a ni tawh a, bial dinna tur kan insem dan tur chu peih hnaih a ni bawk,” tiin PTI-in an kawmnaah a sawi.
Yadav-a hi Azamgarh bialtu MP a ni mek bawk a, inthlan lo awm turah hian an party chuan chief minister atana an vawrh chhuah tur ni ngeia rin ni mah se inthlanah hian a din dawn loh thu a sawi.
A patea, Shivpal Yadav-a kaihhruai, Pragatisheel Samajwadi Party Lohia (PSPL) nena thawk dunin a kian mai dawn em ni tih zawhna chhangin, “Hemi chungchangah hian buaina ka nei lem lo va, amah leh a mite hi a hunah chuan zahna kan hlan ang,” a ti.