Pathianni zan khan mipa kum 24 mi, Joker anga inchei chuan Tokyo train line-ah mi chuangte a bei chiam a, mi 17 velin hliam an tuar.
Rela chuangte hi khawpuia Halloween party-a tel tura kalte an ni.
Thil thleng hmutute chuan a titu nia sawi hi kawr hring leh purple suit a ha niin an sawi.
Rel pindanah hian thil kang thei chi tui lam a phuh a, a hal zui a. Video lak pakhatah chuan mi chuangte hi pindan dangah an tlanchhe nasa hle a, \henkhat chu tukverhah an zuang chhuak bawk.
“A tirah chuan Halloween stunt (intimaksak) ni turah ka ngai a,” tiin a hmutu pakhat chuan Yomiuri chanchinbu a hrilh a. “A hnuah mi pakhat kan lam panin, muang changa chem sei vai ka hmu ta a ni,” a ti.
He thil hi zan dar 8:00 (India-a tlai dar 4:30) vela khawpui dai khawthlang lam, Kokuryo station bula thleng a ni.
Chanchinbute chuan a hmunah hian a titu hi police-in an man nghal niin an tar lang.
Kyodo chanchinbu chuan police hnenah hian Batman comics-a Joker anga chet kha a tum niin a insawi tih an tar lang.
Comics-ah hian Joker hi mi sual tak niin batman-a hmelma leh tihchhiat tumtu a ni a. Kum 2019-a movie hit tak, ‘Joker’-ah khan a changtu, Joaquin Phoenix kha rela a chuan laiin mi eng emaw zatin an bei a, an sawisa nasa hle a. Hei hi Joker-a a inthlak \anna a ni zui ta nghe nghe.
NHK news agency-in police thu sawi an tar lanah a titua puh an man hian ‘June thla a\ang khan mi thah a duh tawh’ a, hei hi a hna a bansan vang leh a \hiante tam takin an kawm zui duh loh vang a ni.
Joker anga a inchei than pawh miin an an en duh nan tih mai chauh a ni.
Tual chhung chanchinbute chuan thuneitute hnenah hian mi thah a duh a, man sela, thihtir sela a duh tih a sawi niin an tar lang bawk.
AP news agency-in Tokyo Fire Department thuchhuah a chhuah chhawnah hliam tuar zinga pathum chu an na hle a. Putar pakhat chu vih a nih hnuah nikhawhrelovin a awm niin tual chhung chanchinbuten an tar lang.
Video thehdarhah rela chuangte hi a chhungah hian an tlanchhe nasa hle a, rikrum thila rel tihdin a nih hnuah \henkhat chu a tukverh a\angin an zuang chhuak bawk tih a hmuh theih.