President’s Cup champion lai Gorkha CC chak nghal

Mizoram a tualchhung cricket season thar inelna hmasa ber President’s Cup 2021 chu Thawhtanni khan khelh tan a ni a. Tan ni hian champion lai Gorkha Cricket Club in run 111 in Sihhmui Cricket Club an hneh.

Suaka Cricket Ground a inkhelah hian Gorkha CC tan ball 50 atanga run 86 siamtu Rahul Sunar a che tha fal a, an team chakna hnar a ni a. Rajesh Chhetri leh Sarban Chhetri ten run 26 leh 22 a thlawpin over 20 chhungin run 189 an siam.

Sihhmui tan captain Laldaria chuan run 31 a siam a, thlawptu dang an awm loh avangin over 20-ah run 78 bak an tlin lo.

President’s Cup-ah hian Cricket Association of Mizoram hnuaia club inziaklut zawng zawngte an tel thei a. Open tournament niin third division atanga first division club-te zawng zawng an inhmachhawn thei vek a ni.

Season liamta khan Covid 19 avangin inelna buatsaih theih a ni lova, Gorkha CC te hi kum 2019 khan an champion.

President’s Cup 2021

Match no. 1 Gorkha CC vs Sihhmui CC

Toss: Sihhmui Cricket Club opt to field

Gorkha CC : 189/7 (20.0 Ov)
Rahul Sunar 86 (50)
Rajesh Chhetri 26 (25)
Sarban Chhetri 22 (17)

Laldaria 3/37 (4)
Vanlalhriatpuia 1/22 (2)

Sihhmui Cricket Club : 78/8 (20.0 Ov)
Laldaria 31 (32)
Vanlalngaihsaka 9 (13)

Vishnu Bhandari 2/2 (2)
Saran Jaishi 2/5 (2)
Santosh Murmu 1/3 (2)

Gorkha CC run 111 in an chak

Man of the match : Rahul Sunar (Gorkha CC)

Leave a Reply

Your email address will not be published. Required fields are marked *

error: Content is protected !!