MNF-in lawmthu sawi, ZPM, INC leh BJP-in lawmpui


Tuirial bial bye-election ah MNF party candidate K Laldawngliana thlan tlin a nih avang leh kum 2018 MLA inthlan aia MNF party-in vote 1,636-a hma an sawn avangin Tuirial mipui chungah lawmthu an sawi.
Hnehna chang tura beihna kawngah party hruaitu leh party workers te thawhrimnaah MNF chuan lawmthu sawiin, inthlan buaipuitu zawng zawng hnenah lawmthu an sawi bawk.
ZPM party president Lalliansawta pawhin nimin vek khan Tuirial biala thlan tlin tak MNF candidate K Laldawngliana a lawmpui thu sawiin, Tuirial bial mipuite tana MLA tangkai tak ni ngei tura a beisei thu a sawi a. Thil thleng duhawm lo liantham awm lova tluang taka inthlan zawh fel a nih avanga lawmawm a tih thu a sawi.
ZPM party president chuan he inthlana ZPM party candidate Laltlanmawia vote-tu mipui hnenah lawmthu sawiin, he inthlana ZPM-in hnehna an chan theihna tura kawng hrang hranga theihtawp chhuahtute hnenah leh inthlan buaipuitu official-te thawhrimnaah lawmthu a sawi.
Lalliansawta chuan ram pum rorelnaa kalphung thar, mipui sorkar tha tak din turin kum hnih la awmah training an la mamawh nia a ngaih thu a sawi a. Tuirial biala hnehna chang party an lawmpui thu a sawi bawk.
Congress party pawhin INC candidate Chalrosanga Ralte vote-tu zawng zawng lawmthu hrilhin, thlan tlin tak MNF candidate K Laldawngliana an lawmpui thu an sawi a. Tuirial bial tana an thutiamte tihlawhtling ngei turin duhsakna an hlan.
Tuirial biala Congress-in hnehna an chan theihna tura beitu zawng zawng lawmthu an hrilh a. “Kan vote hmuh zat enin Congress party-in ruhrel lian tak kan nei a, kan tla zawi lo a ni tih a chiang hleah kan ngai,” an ti.
BJP Mizoram Pradesh pawhin thlan tlin tak an lawmpui thu sawiin, Tuirial bial tan malsawmna thlentu nia bial tana tih tur an intiam angte pawh an tlin chhan pakhat a nih vanga an tihsak ngei an beisei thu an sawi.
Tuirial bial inthlanah BJP candidate tana theihtawp chhuahtu zawng zawng hnenah BJP chuan lawmthu an sawi a. “BJP chuan Mizorama kan awm chhan ang taka Mizoramin hmasawnna kawng dik kan zawh theihna turin chak takin hma kan la chhunzawm zel dawn,” an ti a. Nimin vek khan BJP Lungdai Unit 1-in Lungdai branch YMA hnenah oxygen concentrator leh oximeter an hlan bawk a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427