Dr H Lalthlangliana, District Election office (DEO) chuan Tuirial assembly Constituency bye-election inthlanna muanawm leh fefai nei tura \an an lak avangin, a hlawhtlin thawkhat viau nia an hriat thu a sawi.
Nimina a pisa-a thu thar thehdarhtute a kawmnaah Dr H Lalthlangliana hian a tlangpui thuin khawi laiah te chu sawi awm mah se, Tuirial bial bye election inthlan a hlawhtling thawkhat nia an hriat a sawi a. “Kan observer-te pawhin inthlanna felfai leh muanawm a hmuh avangin mak an ti hial a, hetiang hi khawi society ah mah an la hmuh ngai loh thu sawiin, lawmthu min hrilh hial a ni,” a ti.
Tun \um inthlanah thil danglam he bialah hian tun hmaa buaipui luih luih, Bru refugee-te tana special booth emaw, ballot paper emaw ngaihtuah miah loha polling station pangngaia vote thlak tura ruahman vawi khatna niin, Mizoram pum tan pawh thil thar a nih thu a sawi a. “Inthlan dawn tlai thleng pawhin ruahmanna an siam em tiin kan thlir reng a. Election commission pawhin Mizoram mipuite duh dan zahin, buaipui loin inthlan vote pangngaiin kan thlak ta a ni,” Dr H Lalthlangliana’n a ti.
“Anmahni roll-a awm pathumin vote an thlak thei hram a. Amaherawhchu, Hortoki-a awm nghet tawh an roll-a la awm si refugee anga roll-a chhiar tel ni mah se, Mizorama cheng nghet tawh a ni,” a ti bawk.
Political party-te tun \um bye election tluka inbeihna nasa a awm loh avangin campaign theih loh hun chhung ‘silent period’ pawh ni dang aia khauh taka an kenkawh thu sawiin, Dr H Lalthlangliana hian, “A hahthlak viau, ni danga hriat ngai hleih loh kan political party leader liante dan beh leh in man thuak thuakte awm mah se, min hrethiam takin thuneitute ngenna an zah \hin,” tiin invauna emaw, hmaisen inhmuhna emaw awm lovin thuawih taka an awm avangin lawmawm a tih thu a sawi.
Kolasib DC hian Covid-19 chungchang sawiin, bye-election neuh hma hian Kolasib district chu hri vei a tlakhniam nasa thu leh thla khat chuang test positivity rate hi panga aia hniama an awm tawh \hin a sawi a. Inthlanna bialah erawh tunah hian chakna lawma an inlawm pung ang tih a hlauhawm thu leh a tua te pawh sahawk zawnga hun hmang lo turin a fuih nghal a ni.
Inthlanna dan bawhchhiaa politcial party pathumte laka MPF in complaint an thehluh chungchang zawhna chhangin Dr H Lalthlangliana hian, “Kan chhui zui a, show cause notice kan pe a An rawn chhang a, a \hen chu an inpawm a, inpawm lo pawh an awm a. In pha tak naa an dik chuang lo. Pawisa sem leh ruai\heh tih a ni a, he’ngte hi inthlan sensoah kan cut sak a ni,” a ti a. Model code of conduct bawhchhiatna tih ni mah se, MPF leh all party te thawhhona thuthlung bawhchhiatna zawk a nih thu sawiin, “MCC atanga hremna dan tia chiang taka sawi theih a ni lem lo. Mahse, thawhhona thuthlung boruakah hrem ni deuh ni lo deuh siin remchang kan siamsak a. Lungawi takin kan inchhuahin kan hria,” a ti bawk.
MNF adviser leh minister ni bawk, Robert Romawia Royte in dan a bawhchhiat leh bawhchhiat loh chungchang zawhna chu, “Bawhchhia a tih theih a, bawhchhe lo pawh a tih theih. Dan in a tum taka chu campaign loh tih a ni,” tiin, Tlawng ral lamah MPF ten midanga an biak hmain an thlah liam thu leh vote thlak chhung zawng chu Tlawng ralah a awm thu a sawi a sawi a. “Tlawng ral chin hi Tuirial constituency pawn a ni, Tlawng a kan chiah kha a thiang a awm ta a. Chutiang tho chuan kan minister \henkhatte leh oarty leader dang te oawh constituency pel chiahin Kolasib leh khaw \henawmah an awm thluah a. Pakhat kan han mal mak deuh nain midang pawh an awm ve tho a ni,” tiin a chhang a ni.
&&&&&