Serchhip district-a zirna in pali hawn tan leh remti

Serchhip district disaster management authority-in Serchhip district-a residential institute pali – Horticulture college, Thenzawl, JNV Thenzawl, Eklavya residential model school, Serchhip leh Sainik school, Chhingchhip ten hri leng laka himna tur dan zawm chunga zirna an kalpui chhunzawm an remti.

Zirna in dangte erawh chu COVID19 kai awmlohna khuaa an khawtlang hruaitu, VLTF leh school thuneitu ten inlungruala school hawn tha an tiha, DDMA-a dilna an thlen chuan ngaihtuahsak ni se, an ti a. State thuneitu lamin board exam hmabak pawl 10 leh 12 te leh training institute te chu class kal a remtihsak tawh a, Gov. Serchhip college pawh practical activity an ngah avangin hri leng laka himna tur dan zawm chunga class kal phalsak tawh an ni bawk.

Serchhip district-a zirna in te kaldan tur hi nimin khan DDMA chuan YMA aiawh, MJA aiawh, MUP aiawh, Serchhip joint VC leh Thenzawl joint VC aiawh, N. Vanlaiphai leh Thenzawl SDO, District surveillance officer, Social welfare aiawh, Education lam atangin Serchhip DEO, SDEO leh Thenzawl leh N. Vanlaiphai SDEO te a sawipui a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427