Hmangaihna dik tak chuan…
Thi neih a timumal
A bik takin, hmeichhiate’n hmangaihtu dik tak an tawn hian thineih pawh a pangnai nghal viau thin. Chuti ni lova, rilruhahna te, inthikna leh inngeih lohna te a lo awm hian thineih a buai a, taksa pawhin a tuar hahdamnasa bik hle. Hmangaihtu tha tak tawngte hian rilruhah an nei ngai meuh lova, insawiselna neuh neuh pawh an nei tlem bawk.
Buaina a umkiang
Pasal ‘caring’ tak, an mahni duat thiam em em neitute hian thil te tham angah te hian an buai chiam ngai meuh lova, a chhan chu- an pasalte’n kawng engkimah an pui ngei dawn nia an hriat tlat avang leh an thlawp (support) dâwn tih an chian bawk avangin buaina neuh neuh chinfel naahte pawh harsatna an tawk tlem bik hle.
A tihlim zual ang che
Kawppui leh hmangaih em em neihnaah hian taksa hian hlimna hormone pawi-mawh tak mai, ‘Nuam tih veng vengna’ hi a pechhuak thin a. Chu chuan, a tihlim zual sauh dawn che a, rilru suthlek leh hawiher a fuh anga, i bula awmte’n nuam tihna an nei bawk ang.
Natna beihletna tichak
Inhmangaihna hian taksa khâwl (immune system) a tichak a, chi-ai lo leh ngaihngam taka i awm thin dawn avangin hri-tlang leh âwmna ang chi pawhin an hlat nghal thei che. Rilruhah leh thawpika awm reng hian virus chi hrang hrang a chhawm tel a, khawsik te hial a thlen theih bakah, hritlan mai te hi a awl hle.
Na tawrhnepna a thlen
Hmangaihte nena inkar boruak a that hian mamawh inhriattawn sak leh harsatna inhriatpuina a lo awm a, chu chuan rilru hahdamnasa na thlenin, taksa na them thum leh na ngiai ngiai ang chi a hnawt bo thei a, na tawrh hrim hrim pawh a ziaawm tawh anga, chhas te puihna dawn that phei chuan a zia-awm hle thin.
Ngaihtuah bingna titha
Mi duat thiam bawk si, ngaipawimawh em em thin ni bawk, chhas i neih chuan hnahawhnaah te pawh a tha thei ang bera thawk turin a nawr kal thin ang che. Chu chuan, hna-a insawrbingna a thlen a, ngaihtuah bingna a thlen bakah, hna pawhin a that pui hle a. Kan hlim chuan rahtha leh duhawm a lo chhuak nghal thin ang mai hian.