Indian cricket team in ICC Men’s Twenty20 World Cup semi-final beiseina tlem tak an la neih chu an la ti nung zel a, Afghanistan lakah Nilaini zanah run 66 a hnehna changin an tan kawng a la inhawng.
An tlawm leh chuan India hi tla chiang tur an ni tawh a, Abu Dhabi-ah Rohit Sharma leh KL Rahul te inkawpin bul tanin run 140 an vaw chhuak a. Sharma in ball 47 atangin run 74 a siam a, Rahul-a’n 48 atang 69 a siam. Rishabh Pant leh Hardik Pandya ten ball 13 atang ve ve in run 27 leh 35 siamin a tawp an khar a. India in run 210 siamin tun tournament a team pakhatin run an siam hnem ber tum an hmang.
Afghanistan tan target hautak a ni a, chak beiseiawm lohna inkhelah over 12-ah run 69 an siam laiin wicket 5 an hloh hman a. Mahse Karim Janat leh captain Mohammad Nabi ten run 42 leh 35 an siam a, mualpho lutuk lovin over 20 chhungin run 144 an tlin.
India bowler zingah an inkhel hmasa lama sawisel hlawh Mohammed Shami chuan wicket thum a la a, Ravichandran Ashwin-a’n wicket hnih a la. Scotland leh Namibia la hmachhawn tur India hi New Zealand an tlawm chuan tling thei an la ni.