Fan te tan an ngaihsan em emte’n an lo hmelhriat a, an tana hun an siamsak chuan chu aia lawmna tling leh hlilmna duhawm a awm chuang lovang.
Thenkhat insum zo lo te phei chu tum aia thui kal ta te an awm a, an mi ngaihsante’n an lo hriat ve theihna tur a nih phawt chuan engpawh tih an huam thin. Tun tumah pawh hian BLACKPINK fan pakhat thil tih dan chuan social media a luah-lum hle.
Christian Albert Gaza-a’n Blackpink chhas Jennie hriat ngei ngei tura a chetchhuahna leh hmalak dan hian ngaihven a hlawh a, zanriah kilpuiah sâwmin $29,614 sen huamin billboard chart lian takah a inpholang ta ruau mai.
Chutah chuan, “Kim Jennie Ruby Jane, ka atchilh hlawm tawp che. Zanriah kilpuia sawm-chhuah che ka nuam a, khawvela mipa hlim berah min siam ang che,” tiin ngenna leh sawmna urhsun tak a tarhchhuak.
He billboard lian tak hi South Korea khawpui Seoul-a 62 NOksapayeong-Daero 11-Gil, Young-san-Gu-ah mi zawng zawng hmuh theih turin a tarchhuak a, helai hmun hi BlackPink agency, YG Entertainment hmunpui atanga km khat vel leka hla a ni nghe nghe.
Hetih lai hian, BLACKPINK fan te chuan a hmalak danah an lungawi lohna leh vuivaina te twitter lamah an vawrhchhuak chuah chuah nghal a. Gaza-a chetdan chu thil uchhuak takah ngaiin, Jennie tibuai zawnga khawsa lo tur leh hahdam taka awm tir zawk tura ngenna leh vauna titih thu leh hla in an umzui nghal chat mai a ni.