Manchester City in tlin chian an hnaih; Leipzig an tling zo lo

Manchester City in round of 16 tling turin khelh hnih la hmabak atangin point khat bak an mamawh tawh lova. Nilaini zanah goal li khungin 4-1 in Club Brugge an hneh.

Etihad Stadium-ah Pep Guardiola pawlte hian an match hnuhnung pathum atanga a vawikhatna hnehna an chang a. Phil Foden, Riyad Mahrez, Raheem Sterling leh Gabriel Jesus ten goal an khung a. An lama goal lut pawh anmahni khung tho niin John Stones chuan first half-ah an lamah a ti lut.

Manchester City boss Pep Guardiola chuan, “Second half kha a lungawithlak a, hnehna pawimawh a ni. Tunah chuan point khat chiah kan mamawh tawh. First half-ah goal kan chhuah hnuah kan tlahniam deuh.” tiin inkhel a thlirlet.

Leipzig a Red Bull Arena-ah Paris Saint-Germain in hnehna an chang zo lova, mahse mualneitu tan knockout stage beiseina thamral tawhin 2-2 in an inhnehtawk.

PSG midfielder Georginio Wijnaldum chuan a club thar tana a goal hmasa pahnih a khung a. Christopher Nkunku leh Dominik Szoboszlai ten lehlam tan an khung.

Leave a Reply

Your email address will not be published. Required fields are marked *

error: Content is protected !!