Jammu & Kashmir-a Srinagar damdawi inah Zirtawpni khan mi firfiakte leh venhim hnathawktute an inkap a, damdawi in leh hostel-te khar a ni.
Civil tam tak awm karah mi firfiakte hi an tlanchhuak thei niin police chuan an sawi.
“Rei vak lo chhung SKIMS Hospital, Bemina-ah inkahna a thleng a. Civil mi an awm tam chu remchangah hmangin an firfiakte hi a tlanchhuak thei hlauh,” tiin Srinagar Police chuan Twitter-ah an tar lang.
Mi pakhatin hliam a tuar a, damdawi inah dah luh a ni tih NDTV chuan a tar lang.
Tun \um civil mi thah nual an nih hnua inkahna thleng leh hmasa a ni a. Srinagar-ah hian sipai company 50 zet venhim hna thawk tura tirh luh belh an ni.
Union Home Minister Amit Shah chuan tun hnai lawkah Kashmir hi ni thum chamin a tlawh a. Hei hi Jammu & Kashmir-in inhung bikna a neih, Danpuia Article 370 hlih a nih hnua a tlawh hmasak ber a ni.