Brazil rama zaithiam lar ber ni hiala sawi, Marilia Mendonca chu kum 26 mi lek niin Thlawhna chesualah a thi.
A rual hian a producer leh crew member pahnih an thi tel bawk a, Minas Gerais state huam chhunga thingtlang hmun pakhatah an chuanna Thlawhna hi a tla a ni.
Kum 2019 a Latin Grammy winner hi thiam takin inngaihzawnna leh inneihna kawnga hmeichhiate thil tawn hrang hrangte hla hmanga thiam taka a sakchhuah \hin avangin a lar hle.
Country music lamah ngat phei chuan tluktu an awm lo hial ang tihngam hian tleirawl a nih lai atangin zai a tui chho a, 2016 ah khan rampum huap ngaihzawn leh star rawn ni chhovin, hla thu lama tawrhna leh rilrunatna lam hawi a tam \hin vangin, ‘Queen of Suffering’ an ti hial nghe nghe.
Nikum khan hripui vangin concert neih tum tam takte chu \hulh fai vek ani a, online kaltlangin a chechuak \hin.
Heng zinga pakhat phei chuan khawvelpuma live stream enhlawh ber record thar a siam nghe nghe a, YouTube lamah makta-duai 3.3 chuangin an thlir.
Nikum 2020 khan Spotify-a Brazil zaithiam ngaih-thlak hlawh ber a ni.