Chennai hmun hniama mite insaseng turin ti


India chhim lam khawpui lian, Chennai-a ruah nasa tak sur chuan nunphung a tibuai hle a. Thihna thleng hriat la ni lo mah se Tamil Nadu state sorkar thuneitute chuan hmun hniam laia awmte chu hmun sang leh himah insaseng turin an ti.
Tual chhung chanchinbute chuan thing tlu leh kawngpuia chak taka tui tling avanga lirthei tang thlalak leh video an thehdarh nasa hle.
Tun \uma ruah sur hi Chenna khawpuia kum 2015 hnu lama ruah a tam ber \um a ni.
Tun ang hunah hian khawpuiah hian ruah tam tak a sur fo tawh \hin a, mi thiamte chuan hmasawnna ruhrel dinna kawnga ngaihtuah thui loh leh khawpui ruahmanna fel fai lo chuan buaina lian zawk a thlen phah niin an sawi.
Khawvel pum lum mek zelin sik leh sa nasa taka a tidanglam chu mihringin a tawrhna niin an ngai bawk a. Ruah tam tak sur chiam ang chite a tam telh telh dawn niin an sawi.
Pathianni khan Chennai hmun \henkhat chuan power an nei lo reng a, hei hi power department-in venthawn thilah, electric mante thleng thei a nih avangin an titawp.
Video thehdarh \henkhatah chuan chenna ina tui nu tak lut a\anga rubber lawngleng hmanga mi chengte chhanchhuah laite a lang a. National Disaster Response Force leh sipaiten chhanchhuah hna thawh hi an pui bawk.
Khawlai tam zawk chu Inrinni a\ang khan tuiin a chim deuh vek a, khawpuiah hnawl a tam phah hle a. Mi tam tak chuan kum 2015-a tui lian an tawrh, mi 200 chuangin an thih phahna ang mai kha a nih thu social media-ah an tar lang nasa hle.
Khawchin zirtute chuan Pathianni khan Tamil Nadu hmun hrang hrangah ni hnih lo awm leh tur chhung (Thawhlehni thleng) ruah tam tak a la sur dawn tih an sawi lawk a, thuneitute pawhin zirna inte ni hnih chawlh a puang zui nghal.
Chennai leh a bul hnai district pathuma sikul leh college chu khar vek tura tih a ni a. Mipuite chu hetiang boruak him lo karah hian zin chhuak lo tura ngen an ni a, sangha mantute pawh tuipuiah chhuak rih loh tura tih an ni bawk.
Chennai-a municipality chuan relief centre leh medical camp eng emaw zat an siam a, tui lian tuarte hnenah ei tur an sem bawk.
Tamil Nadu Chief Minister MK Stalin chuan Chennai leh district dang 11 chuan ruah cm 20 (8in) zet tla chu an tuar niin a sawi tih ANI news agency chuan a tar lang a, a minister zawng zawngte pawh puih ngaite tan che chhuak turin a ti bawk.

Leave a Reply

Your email address will not be published. Required fields are marked *

error: Content is protected !!