Zika virus kai pung chakin Kanpur tiralkhel


India rama mihring cheng an tamna ber state, Uttar Pradesh-a district pakhatah naupang 17 telin Zika virus kai mi 89 zet hmuh chhuah an nih avangin a ralkhel hle.
Kanpur chief medical officer, Dr Nepal Singh, chuan an district chhungah a kai an pung chak hle tih Reuters a hrilh.
India-ah hian Zika virus kai hmuh hmasak ber hi Gujarat-ah kum 2017 khan a ni.
Thosi seh a\anga kai theih natna hian naupangah chuan thluak lam a khawih theih a, hriatna thazam lam buaina, Guillain-Barre syndrome an tih an vei phah thei bawk.
A tam ber hi thosi seh a\anga kai an ni \hin a, mipat hmeichhiatna hman a\angin a inkai chhawn theih bawk.
Tun \um hi Uttar Pradesh-a he hri a darh vawi khatna a ni a. Kanpur khawpuia a kai hmuh hmasak ber hi October 23 kha a ni a, a hnuah hian a kai hmuh chhuah an pung chak ta hle a ni tih an state hotute chuan Reuters an hrilh.
A kai zingah hian nau pai lai pawh a tel a. Singh chuan hri darh zel tur veng tur leh a kai tawhte dinhmun thlithlai turin team an din tih a sawi.
Uttar Pradesh Chief Minister Yogi Adityanath chuan Kanpur-ah hian inkai darh chu a chak hle tih a sawi a, thuneitute chuan thosi pian theihna ang chi tifai tura chak taka hma la turin a hrilh tih news agency ANI chuan a tar lang.
“A hlauhawm dan thlir hian inkaihhruaina mumal leh khauh zawk kalpui a ngai a. A kaite dinhmun uluk taka thlithlaia vil reng a ngai a ni,” a ti.
Zika virus hi kum 1947 khan Uganda rama zawngah hmuh chhuah hmasak ber a ni a. Mihringin a kai hriat hmasak ber chu kum 1954-a Nigeria-a kai an awm kha a ni a, a hnu lamah erawh Africa hmun dang bakah Asia chhimchhak leh Pacific Islands hrang hrangah an awm.
May, 2015 khan Brazil-ah a kai awmin a darh chak hle a. A enkawlna damdawi a la awm lo va, a kawng awmchhun chu a pu darhtu ber, thosiin mi a seh lohna tura hmalak a ni tawp rih.
Thihpui erawh an tlem a, a kai pangaa pakhat zel chauhvin natna lang chhuak pawh an nei a. Khawsaik sang vak lo, mit sen leh mittui tla, lu na, ruhchuktuah na leh thil ei tui lote an nei \hin ni.

Leave a Reply

Your email address will not be published. Required fields are marked *

error: Content is protected !!