Thla tam a ngawih bopui hnu ah Lady Gaga chuan kumin kumtira President Biden lakluhnaah khan silaimu kahtlang theih loh thawmhnaw (bulletproof dress) a ha ngei, tih a sawi.
US Capitol-ah, ‘The Star Spangeld Banner’ hla sain, President 48-na lakluhnaah a hmuna awmte leh TV lama lo thlirtute a awi a ni.
Vogue magazine hrilhin, “Ka hun kaltawha ka inchh-uan ve na ber a ni ngei ang. America rama mipui tam tak ang bawkin, Trump-a a president lai khan hlauh-thawnnain ka khat a ni. Schiaparelli bulletproof dress ha in ka zai a, mi tam tak chuan an hre lo pawh ani mai thei. Vawiina ka nihna (zaithiam) hi ni lo ta ila, combat journalist ka ni ngei ang, ka thil tum langsar tak kha a ni si a,” a ti.
Gaga hian President Biden lakluh a nih hmâa American mipuite zingah inthenhranna leh lamtang insiamna nasa tak awm kha a vei hle a, Trump tantute boruak siam dan leh Bidena lamtangte inhruipawhna khan inlungrualna leh inpumkhatna nasa takin a sawinghing hmanah a ngai.
“In huatna ni lovin in hmangaihna Ni ni rawh se. Hlauhna aiah inpawm-tlanna. Hlim taka kan ram tana hmalam hun kan thlirna, tharum tel lo hun duhawm leh kan thlarau himna thlentu ni duhawm lo ni mawlh rawh se,” a ti a ni.