Mizoram sorkar hnuaia home department-in Mizoram leh Assam inrina hmun hrang hrangah status quo kalpui tura Kolasib DC a hriattir angin nimin a\ang khan ramri hrul, Vairengte leh a chhehvela hmalakna chu tihtawp a ni.
Home department OSD-cum-deputy Secretary David H Lalthangliana chuan Kolasib leh Mamit district Deputy Commissioner-te lehkha thawnin Ministry of Home Affairs a\anga thu an hmuh angin Mizoram leh Assam ramria status quo vawng \haa ramria hmalakna hrang hrangte titawp turin a hriattir.
Hemi bawhzui hian Kolasib DC Dr H Lalthlangliana chuan nimin khan Vairengte Sub-Divisional Officer (Civil) leh Bairabi Sub-Deputy Commissioner-te chu ramria hmalaknate chu titawp turin a hriattir a ni.
Kumin June 26-a Vairengte daia Mizoram leh Assam inkarah buaina a chhuah hnu a\ang khan Mizoram sorkar chuan Vairengte leh a chhehvel hmun hrang hrangah kawng a lai a, tun hnaia Mizoram sorkarin Ministry of Home Affairs a\anga thu an hmuh angin kawng laih hnate hi nimin a\ang khan tihtawp a ni ta a ni.
Home minister-in hriapui lo
Home Minister Lalchamliana chuan ramria hmalakna titawp tura hriattirna awm chu a hriatpui lo tih a sawi a, he order hi a hmuh hunah engvanga he order hi chhuah nge tih a la chhui chian tur thu a sawi.
Thuthar thehdarhtu thenkhat zawhna chhangin Lalchamliana chuan Assam lamin ramria hmalakna an kalpui reng avangin Mizoram sorkar pawhin ramri humhalha hmalakna kalpui chu a duh dan a nih thu a sawi.
July 26-a Vairengte daia Assam leh Mizoram sipai an inkah hnua remna zawnga Assam sorkar aiawhte nen inbiakna an neih khan ramri-ah forest leh police tirh lut lo turin inremna nei mah se status quo maintain tura inremna erawh an sawi tel lo tih a sawi.