ZPM thalaiin Mizoram sorkarin ramria hmalakna kal mekte titawp tura a concern department-te a hriattir chhan chiang taka sawifiah turin Mizoram sorkar an phut.
“Ramri buaina chungchanga kan inlungrualna, a bikin ramri hrula Mizo mipui ten tha leh zung an lo sen tawh zozaite kha a thlawn maia luanral tir kan phal lo” ZPM thalai chuan an ti a. Hmalakna kal mekte a chhan leh a vang mumal taka sawifiah lova tihtawpna tur thupêk sorkarin a siam chu ramria flag var tar nen thuhmun renga an ngaih thu an sawi.
ZPM thalai chuan Mizoram sorkar chu ramri chungchangah flag var tar mai lova, a thutlukna lo siam tawh BEFR 1875 ramriah nghet taka ding tura chahin, Mizoram sorkarin BEFR 1875 ramri chauh ramriah a pawm thu cabinet meeting meuhin a lo pawm tawh kawngah Mizoram sarkar chu an thlawp tlat thu an sawi a, a thu zuk mai lo turin sorkar an ngen bawk.