Fehnaa thi rul chuk a nih ring


Khuangthing khaw nu, Hmunsiami (64) chu a fehnaah a thi a, rul chuk hlum a nih ngei rin a ni.
Nilaini khan Hmunsiami chu an loah amahin a feh a, tlai khaw thim thlenga a la haw loh avangin an zawng a. Lo an thlen chuan chawfun pawh ei lohvin thlamah a lo la awm a. Zan thim hnuaiah lo chu an dap kual a, vau bul hnaih têah thiin an hmu ta a ni.
A ke vei lam kheimit bulah leh a kut ding lam zungtangah rul chukna hnu ni ngeia hriat hmuh a ni a. Champhai DFO Lalduhthlana leh a staff-ten an enfiah nghal a, Rulngan chuk ni ngeia an rin thu an sawi.
DFO leh a staff te hian Rs 10,000-in an ral a ni.
Kumin chhung hian Khuangthing khuaah hian rul chuk avangin mi pahnih an thi tawh a, pakhat enkawl mek a ni bawk.
Kumin chhung hian Khuangthing Health Sub Centre-a thawktuten rul chuk mi 20 vel an enkawl tawh niin thudawn a ni a, Khawbung PHC-a dah turin Champhai DFO Lalduhthlana chuan rul tûr thahna, anti-venom a keng nghal a ni.

Leave a Reply

Your email address will not be published. Required fields are marked *

error: Content is protected !!