March 23, 2022-ah MJA-in golden jubilee lawm tum


Mizoram Journalists’ Association Coordination Committee vawi 7-na nimina Aizawl Press Club-a thukhawmin nakuma MJA-in kum 50 a tlin champha lawmna pui ber atan MJA din ni, March 23 an tinzawn.
‘MJA Golden Jubilee pual hian MJA Gen. Hqrs. bakah district MJA tinten jubilee lungphun buatsaihin, jubilee pual mei det ni se,’ an ti a. Jubilee lawmna pui ber atan MJA din ni, March 23 tinzawnin, hemi rual hian general conference pawh ni hnih chhung hmang turin an inruahman a. ‘Jubilee lawmna pui ber neih hmain district MJA tinten an remchan dan angin jubilee pualin hun hmang se,’ an ti bawk.
MJA Coordination Committee chuan jubilee pual hian budget pawh ruahmanin, general headquarters-in hemi puala sum a tuak bakah district MJA tinten an chhunluh tur budget an intuk bawk a ni.
MJA Gen. Headquarters executive member leh district MJA office bearer theuhte telna, MJA Coordination Committee hi kum khata vawi hnih thut thin a ni.
&&&&&

Leave a Reply

Your email address will not be published. Required fields are marked *

error: Content is protected !!