Lars Ulrich chuan 90’s chho vela Metallica leh Megadeth inkara inerna nasa tak awm nia sawi chu a hriatpui loh thil leh media-in an vawrhlar mai mai a nih thu a sawi a, band atanga 1983 kuma an petchhuah tâk, a hnu-a Megadeth khaipa ni ta, Dave Mustaine nena an inkar thu pawh a sawi bawk.
Hun harsa tak
Dave-a an ban lai vel kha Atan chuan hun hrehawm leh thrash metal te inkara boruak chhia-in a vawrtawp a thlen lai hun ni maiin a hria, a ti a.
Metallica khuangpu hian, “1984 leh 85 khan San Francisco-ah Dave hi a lo lang zauh zauh a, hmuh ngei tumin ka kal fo thin. Zu te kan in a, ruihhlo te pawh kan khawih dun a, thu tam tak kan sawi a, kan harsatna pawh a ruh langin kan sawi dun bawk,” a ti.
Dave-a chu a mi ngaihsan leh musician ropui tak a nih tih sawi zuiin, “Engtiklai pawha ka mi ngaihsan a ni reng dawn a, musician ta-lented lutuk a ni a, amah nena play hi hrehawm ka tih loh pawl tak a ni,” a ti bawk.
Metallica, Megadeth, Slayer, Anthrax ho inlan rual \hut \hut mai chu a tir kha chuan thil nuam lem lo tak a ni a ti bawk a, “A hun lai kha chuan boruak a \ang \hin ngei a lawm a, inelna pawh a sâng thei hle.
“Tunah erawh khatiang rilru kha ka pu tawh lo. Press mite’n ‘Tunge thiam zawk’ tiin lo zawt ta se, drums-ah chuan Dave Lombardo (Slayer) hi ka ti mai dawn a, ‘ber’ nihna a hauh ngei bawk ang. A ni ang han tluk phâk rual kan ni lova, intihsiakna ang rilru kha put ka duh tawh lo,” tiin Lars hian a sawi.