President’s cup 2021 : Armed Veng CC leh Zemabawk Pitchers ten pre-quarterfinal an lut

Armed Veng Cricket Club leh Zemabawk Pitchers Cricket Club ten President’s Cup pre-quarter final khel turin an hmun an tichiang a. Nilaini khan an khingpuite an inkhel hmasa berah an hneh ve ve.
Suaka Cricket Ground a inkhel hmasa zawkah Armed Veng CC in run 87 in Pacers Cricket Club an hneh a. Chak turah run 165 siam mamawh Pacers hi Armed Vengin run 77 chiah an siamtir.
Armed Veng bowler zingah Arbin Shahi leh H. Lalchhuanawma ten wicket thum ve ve an la a. Lalsangzela chuan over thum a vawm atangin maiden over vawi hnih a vawm a, wicket khat la bawkin Pacers hrekna tha tak a ni bawk a. Pacers tan run 24 siam Wilson Zosangpuia chu an zinga run siam hnem ber a ni thung.
Vuak hmasak tir Armed Veng hian opener pahnih Lalrinawma Chhangte leh R. Lalthanzuala te chetthat avangin over 20 chhungin run 164 an siam a. Run 68 leh 48 an siam.
Inkhel hnuhnung zawkah Zemabawk Pitchers Cricket Club in run 32 in Mynas Cricket Club an hneh ve thung a. Pitchers tan Lalramluahpuia (41) leh C. Vanlalnghaka (24) ten a tawp an khar that avangin over 20-ah run 127 an siam a. Mynas in extra pe hnemin run 32 lai Pitchers hian extra atangin run an nei.
Pitchers bowler zingah Lalremthara’n wicket li a la a, midang panga in wicket khat theuh la bawkin Mynas hian run 95 bak an siam thei lova. Run 38 siam Lalmuanawma a out hnuah midangin run tam an thawh thei lo.

Presidents Cup 2021

Pacers Cricket Club vs Armed Veng Cricket Club

Suaka Cricket Ground, Sihhmui, Aizawl, |20 Ov.|

Toss: Pacers Cricket Club in vawm an thlang

Armed Veng Cricket Club 164/5 (20.0 Ov)
Lalrinawma Chhangte 68(46)
R Lalthanzuala 48(45)

Wilson Zosangpuia 2/39 (4)
Lallawmawma Ralte 1/25 (4)
Lalhriatpuia Khiangte 1/18 (2)

Pacers Cricket Club 77/10 (16.5 Ov)
Wilson Zosangpuia
Jimmy Remsanglura

Arbin Shahi 3/1 (2)
H. Lalchhuanawma 3/23 (4)
Govind Sarki 2/24 (3)
Lalsangzela 1/1 (3)

Armed Veng Cricket Club run 87 in an chak

Man of the Match : Lalrinawma Chhangte (Armed Veng Cricket Club)

Zemabawk Pitchers Cricket Club vs Mynas Cricket Club

Suaka Cricket Ground, Sihhmui, Aizawl, |20 Ov.|

Toss: Mynas Cricket Club in vawm an thlang

Zemabawk Pitcher Cricket Club 127/4 (20.0 Ov)
Lalramluahpuia Zote 41(46) C Vanlalnghaka 24(31)

VL Malsawmzuala 1/19 (4)
Vishal Sunar 1/22 (4)
Lalchhuansanga Khawlhring 1/27 (4)
Rohlua Ralte 1/24 (3)

Mynas Cricket Club 95/9 (20.0 Ov)
Lalmuanawma 38(48)
Vanlalhmuaka 17(29)

Lalremthara 4/19 (4)
Imanuela 1/13 (4)
Johan Lalruatfela 1/14 (3)

Zemabawk Pitcher Cricket Club run 32 in an chak

Man of the Match : Lalramluahpuia Zote (Zemabawk Pitcher Cricket Club)

Leave a Reply

Your email address will not be published. Required fields are marked *

error: Content is protected !!