Oil Palm chungchangah JACoOP-in ngaihdan la sawhsawn lo

JAC on Oil Palm: Mizoram (JACoOP)-in environment ngaihtuah tel chunga hmalakna a awm chho nia an hriat thu leh hei hi hmasawnna ropui nia an ngaih thu an sawi.

JACoOP chuan Oil Palm chin tharthawh/hmatharlaa chin thar leh chu tun dinhmunah kan ram leh a chhunga cheng – nungcha chi hrang hrangte, tualto thlai leh hnimhnah hrang hrangte,leilung, tuihna leh Mizo hnam ziarang leh nunphung, sakhuana thlenga nghawng thalo zawk nei thei a nih thu an sawi a. Kuthnathawka eizawng tam zawkte tan pawha hnemhnanpui awm awm chuanglo tur nia sawiin, tha an tih loh thu an sawi.

Red Oil Palm ching mek leh hlawhtlinpui mekte an lawmpui thu sawiin, JACoOP chuan a ching mekte enkawl chhunzawm leh puihbawm chungchangah sorkarin theihtawp a chhuah chhunzawm zel an beisei thu an sawi a. Red Oil Palm-a beidawnga, hmalakna tawpsana suat leh ta te leh suat mekte pawh an tawrhpui thu sawiin, chhawmdawlna awm thei
ang angte Sorkar pawhin ngaihtuahsak se an duh thu an sawi.

Sum leh paia a hlawkna phena nghawng thalo awm theite ngaihtuah chunga Mizoram leh hnam himna tur thlir chunga hma lak tha an tih thu JACoOP chuan an sawi a. Chik zawk leh ril zawk, uluk leh fimkhur taka zirchianga, thudik leh belhchiandawl chauh hmanga zirtirna pe thin tawh turin department lam thuneitute pawh an beisei tih an sawi bawk.

Leave a Reply

Your email address will not be published. Required fields are marked *

error: Content is protected !!