President’s cup 2021 : Gorkha leh Hunthar ten hnehna chang

President’s Cup 2021-ah Gorkha Cricket Club in a vawi hnihna atan hnehna an chang a. Armed Veng South Cricket Club lakah run 116 in an chak.

Suaka Cricket Ground-ah vuak hmasak tir Gorkha CC in an batsman chhuanvawr te chetthat zar an zo a. Over 20 chhungin run 211 an siam. Bul tan tura inkawp Abhay Jaishi leh Rahul Sunar te an che tha hle a. Abhay-a’n ball 67 atang run 82 a siam a, ball 38 atangin run 55 Rahul Sunar-a’n a thawh.

Armed Veng South bowler zingah Vikram Rai chiahin wicket a la a, over li chhungin run 32 pe in wicket thum a la.
Target hautak tak umtu Armed Veng South tan Sane (26) leh Vikram Rai (20) te bak run sawm aia tam vaw chhuak an awm lova, over 17.5-ah run 95 siamin an out zo.

Gorkha bowler parukin wicket an la a, Deepak Tiwari chuan wicket thum la in Rajesh Chhetri leh Santosh Murmu ten wicket hnih ve ve an la ve bawk.

Inkhel hnuhnung zawkah Hunthar Cricket Club leh Gorkha Rising Cricket Club te an inkhel a, run 79 in Hunthar an chak.
Vuak hmasak tir Hunthar tan ball 19 atanga run 24 siam Lalhruaitluanga chu run 121 an siamna kawngah a pawimawh a. Gorkha Rising bowler Vipin Tiwari chuan over li atang wicket hnih a la thung.

Gorkha Rising in an vuakin Lalduatliana leh Moses Ramhlunmawia ten an bul tantu lam wicket an la thei hle a, wicket hnih ve ve an pahnih a an lak hnuah a Lalhruaitluanga’n wicket li la in run 42 chiah siamin Gorkha Rising an vawm out zo.

Presidents Cup 2021

Armed Veng South Cricket Club vs Gorkha Cricket Club

Suaka Cricket Ground, Sihhmui, Aizawl, |20 Ov.| November 11, 2021

Toss: Armed Veng South Cricket Club in vawm an thlang

Gorkha Cricket Club 211/3 (20.0 Ov)
Abhay 82(67)
Rahul Sunar 55(38)
Sameer Thapa 26(14)

Vikram Rai 3/32 (4)

Armed Veng South Cricket Club 95/10 (17.5 Ov)
Sane 26(31)
Vikram Rai 20(21)

Deepak Tiwari 3/4 (3)
Rajesh Chhetri 2/10 (3)
Santosh Murmu 2/14 (2.5)

Gorkha Cricket Club run 116 in an chak

Man of the match : Abhay (Gorkha Cricket Club)

Hunthar Cricket Club vs Gorkha Rising Cricket Club

Suaka Cricket Ground, Sihhmui, Aizawl, |20 Ov.| November 11, 2021

Toss: Gorkha Rising Cricket Club in vawm an thlang

Hunthar Cricket Club 121/7 (20.0 Ov)
Lalhruaitluanga 24(19)
Raymond Lalruatmawia 22(25)
Zopianga 18(16)
Saroj Kumar 16(28)

Vipin Tiwari 2/18 (4)
Mohammed Imtiaz 1/15 (4)
Subham Thapa 1/16 (4)
Sagar Sunar 1/18 (4)

Gorkha Rising Cricket Club 42/10 (13.5 Ov)
Kailash Tudu 14(15)

Lalhruaitluanga 4/4 (2.5)
Moses Ramhlunmawia 2/8 (4)
Lalduatliana 2/9 (2)
Rakesh Chakma 1/11 (3)
Lalremruata 1/9 (2)

Hunthar Cricket Club run 79 in an chak

Man of the match : Lalhruaitluanga (Hunthar Cricket Club)

Leave a Reply

Your email address will not be published. Required fields are marked *

error: Content is protected !!