Khum 275 awmna hospital-ah October-ah damlo 1093 admit

Khum 275 awmna Civil hospital, Aizawl-ah October, 2021 chhung khan damlo 1093 admit an ni a, heng zinga 1042 te chu OPD-a inentir admit niin, mi 51 te chu casualty atanga admit an ni.

October 2021 chhunga Civil hospital, Aizawla damlo admit 1093 zinga 1014 chuan damin he damdawi in hi an chhuahsan a, mi 63 te erawh chuan nunna an chan thung. Hemi hun chhung hian he damdawi in OPD-a inentir 24822 an awm a, damlo casualty pantu 2262 an awm.

Civil hospital, Aizawlah hian October 2021 chhung khan zaipui (major operation) 485 awmin, zai tenau (minor operation) 644 an vaiin 1129 an awm a. Hemi hun chh- ung vek hian he damdawi in-a nau piang 325 awmin, heng zinga 147 chu mipa niin, hmeichhia 178 an ni.

October 2021 chhung vek khan Civil hospital, Aizawla laboratory-a test hrang hrang tih zat 107272 (Hematology 29176; Biochemistry 18423; Microbiology 3168; Serology 2836) a ni a, X-Ray hmanga enfiah zat 1596 (BPL 48) niin, Ultrasound hman- ga enfiah 392 (BPL 21) leh CT Scan hmanga enfiah 222 an awm a. October 2021 chhung vek khan Mizoram pawna damlo refer 225 an awm.

Kumin October vekah Civil hospital blood bank atanga thisen pekchhuah unit 2933 niin, heng zinga unit 2021 te chu he damdawi in veka hman a ni.

Leave a Reply

Your email address will not be published. Required fields are marked *

error: Content is protected !!