Jammu & Kashmir Police chuan kumin chhungin mi firfiak 133 zet thah an nih tawh thu leh heng zingah hian an commander lawk tak tak pawh an tel nual tih Zirtawpni khan an sawi.
ANI hnenah Kashmir Inspector General of Police (IGP) Vijay Kumar chuan, “Kuminah an commander hrawl tak tak telin mi firfiak 133 thah an ni tawh,” a ti.
Zirtawpni khan Kulgam-ah mi firfiakte lakah hian beihpui thlakna a awm leh a, hemi chungchang hi IGP Kumar chuan sawiin mi firfiak pahnih an thah thu leh pakhat zawk phei hi chu tun hnaia civil mi thahnaa inhnamhnawih ngei a nih thu a sawi.
“Vawiin khan mi firfiak pahnih – Shiraz Molvi leh Yawar Bhat te thah an ni a. Shiraz-a hi kum 2016 atanga che nasa tak kha niin civil mi thahnaah pawh a inhnamhnawih nasa a. Srinagar-a beihpui thlaknaah mi firfiak pakhat, Aamir Riyaz chu thah a ni bawk,” a ti.
“Tu nge a nih hriat loh mi firfiak thah leh a ni a, a vaiin pahnih thah a ni ta a. An kut atang hian ralthuam leh hmanraw dang hmuh a ni a, mi dang umzui mek zel an ni a, thuthar a lawm thuai ang,” tiin a hmain Kashmir Zone police chuan Twitter-ah a tar lang.
Kulgam district-ah hian Ningani khan Chawalgam velah mi firfiakte leh venhim hna thawktute hi an inkap tan a ni.