Nakkum World Cup khel turin Brazil an tling

Brazil football team chuan nakkum a Qatar a World Cup khel turin an hmun an tichiang a. South America atanga tling hmasa ber ni turin Zirtawpni zing khan Colombia 1-0 in an hneh.

Sao Paulo a inkhelah hian Brazil tan Lucas Paqueta chuan minute 72-naah goal a khung a. Colombia goalkeeper David Ospina chuan a goal khung tur hi khawih fuh mahse a dansak thei ngang lo.

Brazil hi ram 10 awmna CONMEBOL qualifier-ah khelh 12 atangin point 34 an hmu tawh a, an tling chiang tawh. An hnuaia ram pathumte Qatar pan turin an tling thei a, pangana in inter-regional playoff an khel ang.

Brazil hi World Cup qualifier-ah an rama inkhelah a zawnin vawi 11 an chak tawh a, South American record thar an siam a, a zawnin match 10 chhung an mualah qualifier-ah goal an chhuah tawh lo bawk.

Coach Tite chuan tling chiang tawh mahse an inthlahdah dawn lo tih a sawi nawn a. “|anrualna lantir a, goal khung tura huntha insiam chunga a hnung lam a ngheh a pawimawh. Goal khung a, goal veng tha chunga chak hi kan duh a. Hei hi kan inkhelh apianga kan tum a ni. Hei hi khelmual kan luh hrim hrim a kan tum ber a ni zel ang.”

“Naktukah kan tlin chian tawh avangin tlemin kan inti thawveng deuh ang, a tuk atang erawh kan tum ngai bawk a tak a thlen tir turin rim takin kan thawk leh ang.” a ti a. Argentina nena an inkhel tur a thlirlawk.

Inkhel dangah Peru in 3-0 in Bolivia an hneh a, Gianluca Lapadula, Christian Cueva leh Sergio Peña ten goal an khung a, tling turin beiseina thar an la insiam.

Antony Silva own goal hmangin Chile in anmahni mikhualtu Paraguay chu 1-0 in an hneh ve bawk.

Leave a Reply

Your email address will not be published. Required fields are marked *

error: Content is protected !!