Reproductive & child health, National health mission, Mizoram buatsaih -World Pneumonia Day- hman rualin nimin khan Health minister Dr R Lalthangliana’n naupang kum 5 hnuailam zinga pneumonia vanga nunna chan ti tlem tura beihpui a hawng.
Health minister chuan naupang kum 5 hnuailam zinga pneumonia vanga nunna chan ti tlem tura beihpui -Social awareness and action to neutralize pneumonia successfully (SAANS)-in a tum ber chu Pneumonia vanga naupang thi 1000 zela 5 ni mek chu kum 2025-ah chuan 1000 zela 3 a tihhniam a nih thu a sawi.
Pneumonia chu India rama naupang thihna thlentu tam ber a nih thu health minister chuan a sawi a. India sorkarin a chhinchhiah danin naupang kum 5 hnuailam thihna zaa 14 chu pneumonia vang a ni a, Mizoram bikah phei chuan India ram aia sang niin zaa 15 a nih thu a sawi.
“Covid-19 atanga kan hriat angin pneumonia natna hriatchhuah hma leh enkawl vat hian naupang thihna nasa takin a tihniam thei a, mitinte kan fimkhura naupangte dinhmun kan chik uluk a tul hle tih alang a ni” Health minister chuan a ti bawk.