VC leh LC draft roll tlangzarh

Nimin khan Lawngtlaiah LADC hnuaia VC 4 leh CADC hnuaia VC 6-a VC bye-election atana electoral roll ennawn mekah Lawngtlai bawrthsap Dr Andrew H. Vanlaldika’n draft VC roll a tlangzarh.

Siamthat ngai leh belh leh paih ngai nei te tan tun thla 15 thleng dilna thehluh theih a ni dawn a, dilna lutte chu tun thla ni 16-ah endik tur niin, tun thla ni 18-ah Final electoral roll tarchuah tura ruahman a ni.

Nimin vek khan local council panga – Armed Veng, Laipuitlang, Tuithiang, Venghnuai leh Zemabawka local council bye-election atana electoral roll ennawn mekah Aizawl dist. Addl DC K. Vanlalruati’n draft electoral roll a tlangzarh a. Draft electoral roll-a a lan danin bye-election neihna tur local council 5-ah te vote nei 15016 an awm a, heng zinga 7050 chu mipa niin, hmeichhia 7966 an ni.

Siamthat ngai leh belh leh paih ngai nei te tan tun thla 15 thleng bawk dilna thehluh theih a ni dawn a, dilna lutte chu tun thla ni 16-ah bawk endik a ni ang a, tun thla ni 18-ah bawk Final electoral roll tarchuah tura ruahman a ni bawk.

Leave a Reply

Your email address will not be published. Required fields are marked *

error: Content is protected !!